ماتلاحظون اننا اذا دق المنبه عشان نصحى لعمل او مدرسه او كليه وصرنا عجزانين مانبي نروح نقوم غصب عننا ونروح
ليه؟
لان ورانا احد راح يعاقبنا اذا مارحنا ياابوك بينفخ عليك يطيرك هناك
ياامك الله يحفظها بتسوي حفله بدون كيك لك لحد ماتصحى
يامديرك بيخصم منك او يفصلك
عشان كذا نصحى غصب عن خشومنا..الا انا طبعا
بس لمى نحط المنبه عشان الصلاة ومايصير لنا نفس نصحى مانصحى
ليش؟ لان مافيه احد بيفصلنا ولا يعاقبنا ولا شي الحين
لكن مافكرنا ان مثل ماالمدير بيفصلنا من العمل نفس الشي الله سبحانه بيطردنا من رحمته وجنته بعدين وبعدين هو الاهم اللي هو الاخره وهيهات ياعقاب الاخره مو زعل اهلك عليك ولا عصبية مديرك ,
فلازم نتفكر شوي وبدل مانخاف من خلق الله الاحسن اننا نخاف من الله وغضبه
واذا ماكنت تقوم لصلاتك لانك ماتشوفه هو يشوفك
فياجماعه خلونا ننتبه لانفسنا ونهتم بصلاتنا اللي بتنفعنا من جد باذن الله بعد رحمته
ولا تخلون الشيطان يغلبكم وينتصر دايم خلوكم تقودون نفسكم بنفسكم
لا تخلون الشيطان يقودكم وشوفو الراحه اللي بتعيشون فيها بعدين وكيف الطفش اللي دايم تحسون فيه بينقلب سعاده وراحه نفسيه والله يهديني واياكم سواء السبيل وسلام يااحلى الانام
موضوع: حنا والعجز 
وقت الصلاة والدوام والمدرسة اول الناس
